كيف تجعل منتدى فيجو للعرب هو الأفضل ؟؟

السلام عليكم ورحمه الله وبركاته

ماهو المنتدى ..!!؟؟
المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيفك نجعل منتدانا هو الأفضل ؟؟
الحل بسيط

* اولاً :
(( تشجيع الأعضاء الجدد ))
هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى
والعضو الي دايم يكون الأول في الترحيب ،، حبيب وقلبه طيب

* ثانياً :
(( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))
وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على مواضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل.

* ثالثاً :
(( تشجيع المواضيع التي يكتبها اصحابها ))..
أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه ،، هذا نشيط ومتميز..

*رابعاً :
(( الكلمة السحرية ))..
وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من قدرك او كبريائك المزيف ،، كثير مانشوف مواضيع عدد قرائها فوق السبعين او الثمانين ومن هولاء فقد يرد على صاحب الموضوع واحد او اثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع ..عيل ليش تشارك وتتعب عمرك.

*خامساً :
(( محاربة الشليلة ))... هذا وايد مهم
وهذا أكبر خطر يهدد أي منتدى وكثير من المنتديات هرب منها اعضائها لهذا السبب ،، والشليلة هي أن يتفق الأعضاء ويقولون ( نحن والله شله ارتحنا لبعض ومانبي واحد جديد يدخل بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهى المنتدى وصار ممل والاحسن انه يقفل..
*سادساً :
(( التواصل بين الأعضاء ))
التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى والكل مشتاقين لك ويسألون عنك ،، أكيد بتتشقق من الفرحه ومحد قدك )

*سابعاً :
(( التقليل من المواضيع المنقولة ))
بعض المواضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذي شيء ممل ويجيب العمى ! ( ليش تشتركون في منتدى !! ..عيل اقرا صحيفه او مجله او اتابع الاخبار في التلفزيون احسن ) !!!!!!!!!!

*ثامناً :
(( لاتصير خفيف وثقيل ))
يجيك عضو يكتب كل يوم عشر مواضيع وفي كل قسم يحط له ست مواضيع من زود الفضاوه ،، ويالله يالله نرد على نص مواضيعه ولا نلحق !!!!!!!!!

*تاسعاً :
(( التقليل من المشاكل وحوادث السيارات ))
يعني اثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه كراسيدا وجيب الفزعه
( ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء )

*عاشراً :
(( الرد الجاد على المواضيع ))
يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل لمن يجيك هذاك العضو الي مايدري وين الله حذفه ويرد رد بعيد،، الموضوع في شمال في الشام وهو يرد جنوب في اليمن ،، ويخرب الموضوع او يقلبه جات
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر بطريقة المزح )

* وأخيراً *

المنتدى ليس بعدد اعضائه ،،

بل بترابط اعضائه كلأسرة الواحده وكما قال رسول الله عليه افضل الصلاة وسلام

][ مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى ][

وقوله عليه السلام

][ المؤمن للمؤمن كالبنيان يشد بعضه بعضا ][

مشكورررررررررررررر
فيجووووو
وان شاء الله
يكون افضل منتدى

بأذن الله أخى

تحياتى لك

مشكوررررر يافيجو

الله يعطيك العافيه

الف شكر أخى مودى على ردك

دام تواصلك

بإذن الله هيكون احلي منتدي

أنشاء الله ندى
فى انتظار تفاعل باقى الاعضاء

ان شــــــــــــــــــــــــــــــــــــاء الله
ها يكون افضل منتدى بين جميع المنتديات

تقبل مرورى